Litli snúllu vargurinn minn pissaði agalega stolt í klósettið í kvöld.  Fyrsta sinn sem hún gerir þetta svona meðvitað og var alveg hrikalega montin með sig enda mamman kannski full áköf í gleðinni hehe.
En snúllan er orðin betri af hlaupabólunni, þetta tók sem betur fer ekki mjög langan tíma.. jahh svona miðað við síðustu veikinda misseri hjá henni.  "Bara" fjóra daga sem hún fór ekki á leikskólann, en mér skilst að það sé nú bara gott miðað við hlaupabólu.  Komst svo að því að það er hægt að bólusetja við hlaupabólu og skil ekki hversvegna það er ekki gert fyrir blessuð börnin?  Komast hjá þessum óþægindum og vesæld og foreldrar fá að sinna vinnu sinni í nokkra daga í viðbót það árið.. en jæja næsta barn bara :) veit einhver hvað svona sprauta kostar?


litla bjútýið mitt.  Vill oft ekki fara út nema fá einn af treflunum hennar mömmu sinnar

Núna er húðin hennar öll í litlum sárum sem minna mig mest á litla hrúðurkalla.. ekki frá því að mömmunni finnist það pínu krípí að taka hana allsbera í fangið.  Hræðileg mamma eða?
Á laugardaginn týndist Ólöf Rós svo í smástund í Bónus.. sem betur fer ekki lengi, en hún fannst þar sem hún var í mestu rólegheitum að jappla á sælgætinu í nammibarnum!! Eigum við að ræða það eitthvað eða?  Ein kona stóð hjá og spurði hneiksluð hver væri með þetta barn eiginlega! úbbs. Mamman (sem týndi ekki barninu sjálf) var bara svo glöð að finna snúlluna að hún gat ekki annað en hlegið og brosað allan hringinn yfir litla nammiskrímslinu sínu. 

Kveðja Mommy B og litla Rós

Jæja.. er ekki komin tími til að skrifa eitthvað hér inn en ekki bara á bleikt.is  ;)  hehe

Snúllan er í dag komin með hlaupabólu! Vúhúú.. en jæja svo sem betra núna heldur en seinna.  Hún er svo ótrúlega dugleg stelpa og hörð af sér.  Áðan datt hún aftur fyrir sig og rak hendina í sjónvarpsborðið, horfði á mig til að sjá mín viðbrögð og ég spurði hvort hún vildi að mamma kæmi að kyssa bágtið.  Nei hún hélt nú ekki.. kyssti sig bara sjálf á hendina og hélt svo áfram að hamast. 
Um helgina var hún hjá ömmu og afa í Njarðvík á meðan mamman slakaði á í Hveragerði.. það er önnur saga hehe.  Nema hvað að þegar ég kom að sækja snúlluna þá var hún að hoppa á trampólíni.  Hún hefur í langan tíma hoppað jafnfætis og fallega en sló sig alveg út með því að hoppa á rassinn og lenda á fótunum ekki bara einu sinni heldur aftur og aftur og aftur!  Algjör snillingur þó ég segi sjálf frá hehe.  Minnir mig á hvað ég er léleg að taka upp video af henni! Þarf að vinda mér í að bæta mig á því sviði. 
Hún er líka algjör klifurmús og klifrar af miklu öryggi upp um allt og út um allt, og hún er farin að reyna við handahlaup, enda er hún búin að vera í fimleikum í allan vetur.  

Litla rispaða nebbalínan mín.. tók smá byltu í húsdýragarðinum.


Stelpurnar á leikskólanum tóku hana í færnipróf á leikskólanum, sem kom voða vel út .. nema að hún vildi ekki, jahh eða kunni ekki að standa á einum fæti.  Mamman ekki alveg að gúddera að litla barnið sem talar ekki en er svo klár að hreyfa sig hafi hundsað eitthvað í prófinu og núna eftir smá kennslu þá stendur hún á einum fæti þegar hún er beðin um það.. ha? Sovétríkin hvað?
Hún er líka farin að hjóla og mamman þarf að skammast sín fyrir að vera ekki búin að kaupa hjálm á hana!  En hún fær ekki að fara út úr garðinum svona hjálmlaus... jahh allavega ekki þegar mamman er á svæðinu.  Orðaforðinn er núna samt smátt og smátt að detta inn og stelpurnar á leikskólanum voða ánægðar með hana og duglega að segja mér frá því þegar hún segir ný orð og gerir eitthvað nýtt.  Ég er bara skotin í þessum leikskóla sko! Finnst allt þar svo æðislegt. 

Hamingjusöm páska snúlla

Hún er farin að syngja svo mikið og er alltaf að eiga ný og öðruvísi samskipti við mig dags daglega.  Hún skilur nánast allt sem ég tala um við hana og bregst voða vel við þegar ég útskýri fyrir henni hvað við erum að gera og til hvers og svo framvegis.  Það er svo mikill léttir að það sé hægt að semja við barnið að ég ætla ekki einu sinni út í það! ;)

Jæja gott í bili.  Nú og svo eru apríl myndir komnar inn!
Knús knús!! ykkar Lady B og Litla Rós

Hér er uppskrift af regnbogaköku eins og ég bakaði fyrir afmæli litlu stelpunnar minnar.

Ég byrjaði á að gera einn gamaldags svampbotn sem ég litaði með Wilton gel lit.  Mikilvægt er að nota gel liti til að fá góðan djúpan lit.  En svampbotninn varð svo gulur við bakstur að það hafði áhrif á lit kökunnar, svo ég ákvað að prufa aðra uppskrift sem ég fann á netinu hjá Whisk Kid   hér er íslensk útgáfa.

Uppskrift

226 gr smjör
426 gr sykur
5 eggjahvítur
2 tsk vanilludropar
426 gr hveiti
4 tsk lyftiduft
1/2 tsk salt
355 ml mjólk (við stofuhita)

1.     Kveikið á ofninum. 175 gráður.

2.     Sigtið saman hveiti, lyftiduft og salt.  Leggið til hliðar.

3.     Þeytið saman smjörið og sykurinn, bætið svo eggjahvítunum smátt og smátt við.

4.     Blandið mjólkinni og hveiti blöndunni saman.

5.     Hrærið saman þessum tveim blöndum.

6.     Ég skipti þessu í fjórar skálar og litaði, en það má vel skipta þessu í allt að sex skálar.

7.     Bakað í vel smurðu formi í 10-15 min í miðjum ofni.

8.     Látið kólna alveg áður en kakan er sett saman.

Krem

4 eggjahvítur
1/4 tsk vínsteinsduft
2 tsk sykur
1/3 bolli vatn
3/4 bolli ljóst síróp
2/3 bolli sykur
1/2 tsk vanilludropar

1.     Þeyttu eggjahvíturnar með vínsteinsduftinu þar til létt og ljóst.

2.     Bættu 2 tsk sykur smátt og smátt út í og þeyttu þar til sykurinn sést ekki lengur.

3.     Settu í pott vatnið, sírópið og sykurinn, hitaðu að suðu, hrærðu vel í. Ekki ofsjóða.

4.     Helltu sírópsmixinu í eggjahvítumixið og hrærðu á litlum hraða með þeytaranum.

5.     Þeyttu svo öllu vel saman í 5-6 min eða þar til allt er mjög fluffy og fallegt.

6.     Hrærðu vanilludropum út í.

Þessi kaka kallar á smá vinnu en er vel þess virði ef þú hefur tíma.

Fleiri kökumyndir er að finna í myndaalbúminu
kveðja lady B

Frönsku Alparnir í Janúar.. og smá viðkoma í London - myndasaga.


mamma og pabbi í leigubílnum..


ég var þar líka..


smá shopping..


smá bjór á pöbbnum..


smá prinsessukjóll fyrir barnabarnið..


smá rómantík í fjallinu..


smá vandræðalegt...


ótrúleg upplifun og frábær skemmtun.. smíða video við tækifæri úr öllum frábæru video klippunum sem við pabbi tókum :)  get alveg mælt með þessu. 

xoxo ykkar Lady B